Մոտ 20 օր առաջ Վանաձորում 5-ամյա երեխա է մահացել դժբախտ պատահարից:NEWS.am-ի Լոռիի թղթակիցը հաղորդում է, որ 5-ամյա երեխան մահացել է եղբոր հետ խաղալու ընթացքում եռման ջուրը վրան լցնելու հետեւանքով: Դեպքը գրանցվել է օգոստոսի 31-ին:
Մայրը վերադառանալով տուն, տեսել է երեխային այրված վիճակում, սակայն հիվանդանոց չի տեղափոխել, այլ փորձել է ինքնաբուժությամբ զբաղվել: Դեպքից 4 օր անց փոքրիկը մահացել է այդպես էլ չստանալով որեւէ բժշկական միջամտություն:
Լոռու մարզի քննչական բաժնում դեպքի առթիվ նյութեր են նախապատրաստվում:
Նշենք, որ ընտանիքը Վանաձոր է տեղափոխվել մեկ տարի առաջ՝ Արարատի մարզից: Ընտանիքի մյուս երեք երեխաներին ոստիկանությունը տեղափոխել է Վանաձորի մանկատուն:
NEWS.am-ի հետ զրույցում Վանաձորի շտապօգնության բաժանմունքի վարիչ Սամվել Սահակյանը հայտնեց, որ կանչով նշված բնակարան ժամանած շտապօգնության բրիգադը ֆիքսել է երեխայի կենսաբանական մահը: Սահակյանը մեկ անգամ եւս հորդորում է՝ առողջության հետ կապված ցանկացած իրավիճակում, հատկապես, եթե դա կյանքին վտանգ սպառնացող է, անհապաղ զանգահարել շտապօգնություն եւ ինքնաբուժությամբ չզբաղվել:
Leave a Reply