Կոտայքի մարզի Թեղենիք գյուղի 53-ամյա բնակիչը` Դավիթ Մանուկյանն այսօր՝ օգոստոսի 16-ին, վնասազերծել է իր ոչխարների հոտի վրա հարձակվել պատրաստվող գայլին:
«Չոբանը վերեւից ձեն տվեց, ասեց գայլը իջնում ա հոտի մոտ: Երեխեքին ասեցի դուք բարձրացեք ձորի կողմից, ես զենքը վերցրի, դուրս եկա: Հասա գյուղի ամենավերջին տան դարպասների մոտ, էդտեղ հելանք իրար «վստրեչ», ուզեց փախներ, խփեցի, աջ ոտքին կպավ, ղժժաց, հետո ուզեց փախնի, մի հատ էլ շրջվեց, տվեցի ճակատին, պառկավ գետնին»,- պատմեց Դավիթ Մանուկյանը:
Թեղենիքցի տղամարդու խոսքով` այս տարի գայլն արդեն 3 ոչխար է կերել, մի քանիսին վնասել: Գյուղացին կարծում է` պատճառը անտառում կեր չլինելն է:
«Էդ կենդանիները մեղք չունեն, բնապահպանության նախարարությունը էդ կենդանիներին որ տանում էր անտառից, թող բերի բրախի, գայերը որս անեն»,- նշեց նա:
Please Enter Your Facebook App ID. Required for FB Comments. Click here for FB Comments Settings page
Leave a Reply