Ռուսաստանի եւ Հայաստանի ըմբիշները պայքարի են բռնվել Էլբրուսի գագաթին` Եվրոպայի ամենաբարձր կետում:
Ռուսաստանից Սերգեյ Բորիսովը եւ Հայաստանից Սամվել Եսայանը աննախադեպ մրցություն են կազմակերպել Էլբրուսի գագաթին` 5637 մ բարձրության վրա, հայտնում է Daily Mail-ը: Հաղթել է ռուս ըմբիշը:
Մարզիկներն ընտրվել էին թեկնածուների մեծ թվից, միայն լավագույնները կարող էին մասնակցել մրցությանը, որովհետեւ այն մեծ էներգիա եւ վարպետություն էր պահանջում: Երկու մարզիկն էլ նախնական պատրաստություն եւ ակլիմատիզացիա էին անցել:
Գագաթի հաղթահարումը մեկնարկել է առավոտվա 3-ին, 9-ին թիմն արդեն լեռան գագաթին էր: Բորիսովի խոսքով, պայքարից հետո իրենց բացառիկ իրավունք է տրվել պայքար կազմակերպել ծովի մակարդակից 5 հազար մետր բարձրության վրա:
Կազմակերպիչները Գինեսի ռեկորդների գրքին հայտ կներկայացնեն:
Leave a Reply