ԼՂՀ Պաշտպանության բանակի հյուսիս-արեւելյան ուղղությամբ տեղակայված զորամասերից մեկի պահպանության տեղամասում մարտական հերթապահության կրման կանոնների խախտման հետեւանքով այսօր՝ սեպտեմբերի 7-ին մահացու հրազենային վիրավորում ստացած 19-ամյա Արման Ղանդիլյանը Գավառ քաղաքի բնակիչ էր: Այս մասին NEWS.am-ին հայտնեց Գավառի ավագանու անդամ Պարգեւ Հակոբյանը:
Արման Ղանդիլյանը ընտանիքի միակ զավակն էր, մեկ տարի առաջ էր զորակոչվել բանակ:
Հիշեցնենք, որ 1997թ. ծնված Արման Ղանդիլյանը մահացել էր ժամը 01:30-ի սահմանում` ձախ այտի շրջանում ստացած հրազենային վիրավորումից: Դեպքի մանրամասները պարզելու համար կատարվում է քննություն:
ԼՂՀ նախագահ Բակո Սահակյանի հրամանագրով Լեռնային Ղարաբաղի Հանրապետության պետական սահմանը պաշտպանելիս ցուցաբերած արիության համար Արման Ղանդիլյանը հետմահու պարգեւատրվել է «Մարտական ծառայություն» մեդալով:
Leave a Reply